DMW Sec. Cacdac bumisita sa lamay ng nasawing OFW sa Kuwait

Bumisita si Migrant Workers Secretary Hans Leo J. Cacdac, sa burol ng pumanaw na Overseas Filipino Worker (OFW) sa Kuwait na si Jenny Alvarado.

Si Alvarado ay nasawi noong Jan. 2 dahil sa coal suffocation mula sa heating system ng kaniyang pinagtatrabahuhan.

Personal na nagtungo sa Montalban, Rizal si Cacdac para makiramay sa pamilya ni Alvarado.

Tiniyak din ng kalihim ang patuloy na pagkakaloob ng tulong sa oamilya kabilang ang financial at educational support sa mga naulilang anak ni Alvarado.

Patuloy ding binabantayan ng DMW ang kaso ng pagkamatay ni Alvarado.

Una nang sinabi ng DMW na isusulong ng pamahalaan ang negligence case laban sa employer ni Alvarado upang papanagutin ito sa nangyari sa OFW. (DDC)