HVI tiklo sa P340K shabu sa Taguig City

Nadakip ng otoridad ang isang high-value individual (HVI) at nakumpiska ang ₱340,000 na halaga ng hinihinalang shabu sa Barangay Central Bicutan, Taguig City.

Ang suspek na kinilalang si alyas Alex, 51-anyos, ay naaresto sa kasagsagan ng buy-bust operation na ikinasa ng mga operatiba ng Southern Police District-Drug Enforcement Unit (SPD-DDEU).

Narekober ng otoridad ang tinatayang 50 na gramo ng umano’y shabu, buy-bust money at Android phone.

Kaagad dibala ang mga nakumpiskang ebidensiya sa SPD Forensic Unit para sa chemical analysis.

Inihahanda na ng SPD ang kasong paglabag sa Comprehensive Dangerous Drugs Act laban sa suspek saTaguig City Prosecutor’s Office.

Ang nasabing operasyon ay sumasalamin sa maigting na kampanya kontra ilegal na droga para sa patuloy na hakbang na siguruhin ang kaligtasan ng publiko at sugpuin ang mga krimen na may kaugnayan sa droga. (Bhelle Gamboa)