150 pang PDLs ng Bilibid inilipat sa Leyte

Bilang parte ng mas malawak na inisyatiba na paluwagin ang New Bilibid Prison (NBP) sa Muntinlupa City para sa paghahanda ng pagsasara nito sa 2028, inilipat ng Bureau of Corrections (BUCor) ang 150 pang persons deprived of liberty (PDLs) sa Leyte Regional Prison.

Ayon sa BuCor umbit n sa kabuuang 9,427 na PDLs mula sa NBP ang nailipat na sa iba’t ibang Operating Prison and Penal Farm (OPPFs).

Ibinunyag din ni Bucor Director General Gregorio Pio P. Catapang Jr. na mayroong mahigit P9.2 bilyong budget ang ahensiya ngayong 2025 kung saan ang P288-milyon rito ay alokasyon sa aktuwal na paglilipat ng PDLs mula NBP patungong mga OPPFs.

Ang paglilipat ng nasabing PDLs ay pinangunahan ni Chief Senior Inspector Al Andrada, sansuporta ng 49 personnel galing sa escorting group at mga tanggapan kabilang National Headquarters at tagapagbantay ng Maximum Security Camp at escort buhat sa Muntinlupa PNP.

Sinimulan ang operasyon sa pamamagitan ng maingat na pagkilala sa mga indibiduwal sa listahan sa transfer order na pirmado ni DG Catapang upang tiyaking nasusunod ang lahat ng kinakailangang protocols.Kasama sa paghahanda ang maayos na gupit at pag-iisyu ng standardized uniforms na binubuo ng T-shirts at shorts, para organisado ang proseso.

Inihayag din ni Catapang na pinapaigting ng Correctional Institution for Women (CIW) ang trabaho at programang pangkabuhayan na nagpapakilala sa paghahabi ng Batik at paggawa ng hallow block.

Sinabi pa ni Catapang na makakatulong nila si Mary Jane Veloso na nakadetine sa CIW upang turuan ang kapwa PDLs sa paghahabi ng Batik, na kanyang natutunan naman habang nakakulong siya sa Indonesia.

Ang iba pang livelihood programs na ipinapatupad sa CIW ay ang paggawa ng beads, paper crafts, baking, painting, at training para sa solar panel assembly.

Binnggit din ng Bucor chief na nilagdaan ng Department of Justice (DOJ), BuCor at CIW, ang Memorandum of Understanding (MOU) sa pagitan ng Samahan ng mga Pilipina para sa Reporma at Kaunlaran o SPARK Philippines upang pagandahin ang Corrections system ng bansa habang binibigalyang seguridad at isinusulong ang kakayanan ng kababaihang PDLs.

Base sa MOU, ang DOJ ang siyang bubuo ng mga polisiya at roadmap ukol sa pagpaplano at implementasyon ng Project ARTE habang ang BuCor ang magpaprayoridad at pagtukoy ng mga correctional facilities para sa paglulunsad ng Project ARTE at iba pang isasagawa gayundin ang pagpili ng kuwalipikadong PDLs na benepisyaryo ng nasabing proyekto.

Ang Project ARTE ay flagship reformation at livelihood project para sa kababaihang PDLs sa ilalim ng liderato ni DOJ Undersecretary Margarita N. Gutierrez, na pangkalahatang sinusuportahan ng DOJ at BuCor. (Bhelle Gamboa)