Unity Walk, Inter-Faith Rally, and Peace Covenant signing para sa “Makabagong Halalan 2025” matagumpay na naisagawa sa bayan ng Real, Quezon

Naging tema ng COMELEC ang “BAGO” na tinawag nitong 𝐁𝐞𝐭𝐭𝐞𝐫, 𝐀𝐮𝐭𝐨𝐦𝐚𝐭𝐢𝐨𝐧, 𝐆𝐨𝐯𝐞𝐫𝐧𝐚𝐧𝐜𝐞, 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬 sa lahat ng mga nagnanais na mamuno sa bawat lugar saang sulok man sa Pilipinas.

Kaya’t nitong Enero 21, 2025, bandang 06:00 ng umaga, matagumpay na naisagawa ang Unity Walk, Inter-Faith Rally, at Peace Covenant Signing at dinaluhan nina PMAJ LEONARD PUDENTE T BULLANDAY, ACOP, Real MPS, COMELEC Official-Ms. JAY ANN V AMIZOL (Acting Election Officer), Religious/Pastoral Groups, Real Stakeholders from Various Sectors, Gng. RAYA T. RUBLICO (MLGOO), 4th Platoon, 1st QPMFC, AFP, BFP, PCG personnel, Political Candidates, at iba pang supporters . Ang Unity Walk at Inter-Faith Rally ay ginanap sa Población area, na sinundan ng paglagda ng Peace Covenant.

Sa unang arangkada ng programa ay nagbigay ng mensahe o paalala si PMAJ BULLANDAY sa lahat ng mga kandidato kasabay ang kanyang malugod na pagbati na binibigyang diin ang kahalagahan ng lahat ng mga aspirante at stakeholder sa pagtiyak ng mapayapang pagsasagawa ng midterm at pambansang halalan.

Ikinasa din nito ang paglagda sa isang Peace Covenant, ipinakita ng mga kalahok ang kanilang pangako at suporta para sa isang ligtas, secure, patas, at tumpak na Midterm National at Local Election sa 2025.

Bawat aspirante sa pagka Mayor, Vice Mayor at Konsehal ng Bayan ay iisa ang kanilang hangarin na magiging maayos, mapayapa at matupad ang mga inaasahan ng taumbayan na maglilingkod sila ng tapat kung sakaling sila ay palarin sa darating na Halalan 2025.

Nagbigay payo at nagbahagi ng spiritual message naman ang mga religious leaders na nakiisa sa naturang programa na huwag magsiraan sa panahon ng kampayahan sa halip ay ilatag lamang ang mga programa at plata porma de gobyerno upang malinaw sa taumbayan ang intensyon ng mga kandidato.

Dalangin naman ng mga religious leader na maghari sana ang Kalooban ng Diyos kung sino man ang papalarin sa Halalan 2025.

Tampok sa naturang aktibidad sina Mayor Bing Diestro-Aquino na tatakbo pagka Vice Mayor at ang kanyang asawa na si Engr. Ranier Aquino na tatakbo naman pagka Alkalde kasama ang kanyang buong slate na Aksyon Diretso, dumalo rin ang Team Tunay na pinangunahan ni Vice Mayor Doyle Joel Marquita Diestro na tatakbo sa pagka Mayor kasama ang aspirante sa pagka bise alkalde na si Ephraim Diestro pati mga aspiranteng Konsehal at ang Malasakit ni Macasaet sa pangunguna ni Konsehal Julie Ann Orozco Macasaet na nagnanais naman pagka Mayor kasama ang mga aspirante na nagnanais ding magiging Konsehal ng Bayan pati ang independent candidate pagka Mayor na si Mr. Nimrod Balgemino Jr. na nakiisa rin sa naturang programa.

Bagama’t iisa ang hangarin na maglingkod sa Bayan ng Real ngunit meron silang kanya-kanyang ipinaglalaban, isinusulong o mga Plata porma de gobyerno na tao ang makikinabang dito.

Nagtapos ang aktibidad na may positibo at mapamaraang resulta na inaasahan naman ng ating mga kababayan na nawa’y maisakatuparan ang kanilang sinumpaang pangako. (JR Narit)