Kasunduan para mapalakas ang market access ng mga magsasaka, nilagdaan ng DA at San Miguel Foods

Lumagda ng kasunduan ang Department of Agriculture (DA) at San Miguel Foods upang mapahusay ang market access ng mga Pilipinong magsasaka, partikular ang pagtutok sa industriya ng mais.

Si Agriculture Undersecretary Roger Navarro ang kumatawan kay Agriculture Secretary Francisco Tiu Laurel Jr. sa paglagda ng Memorandum of Understanding (MOU) kasama si San Miguel Foods Group General Manager Emmanuel Macalalag.

Layon ng inisyatiba na malutas ang mga isyu sa supply chain sa pamamagitan ng direct access ng mga magsasaka sa malalaking buyers, partikular sa mais.

Ang kasunduan ang titiyak na maayos na matatanggap ng mga magsasaka sa takdang panahon ang bayad sa kanila sa pamamagitan ng bank transfers.

Tiniyak din ng DA na mas pabubutihin pa ang postharvest facilities para masigurong mapapanatili ang kalidad ng mga agri products. (DDC)