Pasyenteng tinamaan ng Mpox sa Baguio City nakalabas na ng ospital

Kinumpirma ni Baguio City Mayor Benjamin Magalong na isang residente ng Baguio City ang nasawi dahil sa Mpox.

Pero ayon kay Magalong hindi sa Baguio City nakuha ng nasabing pasyente ang kaniyang sakit.

Gayunman, residente ito ng lungsod at sa lungsod ito binawian ng buhay.

Samantala, ang isang pasyante na nagpositibo sa Mpox sa Baguio City ay nakalabas na ng ospital noong Jan. 20.

Aniya natukoy na nila kung saan nahawa ang naturang pasyente at patuloy pa ang ginagawang contact tracing sa mga nakahalubilo ng pasyente.

Paalala ni Magalong sa mga residente, iwasan muna ang handshakes, magtakip kapag babahin o uubo, magsuot ng face mask kapag nasa crowded area, at palagiang maghugas ng kamay. (DDC)