Fixed term para sa PCG Commandant aprubado na sa Senado

Aprubado na sa Senado ang panukalang batas na magbibigay ng fixed term para sa commandant ng Philippine Coast Guard (PCG).

Sa nasabing panukalang batas, magiging fix na ang termino ng PCG Commandant sa loob ng tatlong taon.

Ayon kay Senate President Francis “Chiz” G. Escudero ang nasabing panukalang batas ay magbibigay ng stability sa serbisyo ng PCG lalo na sa pagharap sa mga hamon sa West Philippine Sea.

Ayon kay Escudero na siya ring sponsor ng House Bill No. 10841, naka-angkla ang panukala sa security interest ng bansa dahil matitiyak nito ang continuity sa pamunuan ng PCG.

Ang kasalukuyang commandant ng PCG na si Admiral Ronnie Galvan ay naitalaga sa pwesto noon lamang Oct. 2023.

Nakatakda siyang magretiro sa Feb. 21 pagsapit ng kaniyang mandatory retirement age na 56.

Mangangahulugan ito na wala pang 16 na buwan siya magsisilbi bilang PCG Commandant.

Kung tuluyang magiging ganap na batas sinabi ni Escudero na maipagpapatuloy ni Galvan ang pamumuno sa PCG at ang mga programang inilatag niya para dito. (DDC)