Dating Pangulong Duterte nagsisinungaling sa alegasyon sa 2025 budget ayon kay Pangulong Marcos

He is lying!

Ito ang ni Pangulong Ferdinand “Bongbong” Marcos Jr. sa alegasyon ni dating Pangulong Rodrigo Duterte na may blangkong bahagi sa pinirmahang 2025 national budget.

Sa isang ambush interview sa Taguig City, makailang beses na tinuran ni Pangulong Marcos na nagsisinungaling si Duterte.

Batid aniya ni dating Pangulong Duterte na wala sa kasaysayan ng Pilipinas na may blangkong bahagi ang budget at hindi kailanman papayagan na magkaroon ng blangkong parte sa General Appropriations Act.

Kaugnay nito, hinikayat ni Pangulong Marcos ang publiko na bisitahin na lamang ang website ng Department of Budget and Management, tingnan at hanapin kung may blangkong parte kahit isa sa pambansang budget para sa taong ito.

Ito aniya ang magpapatunay na pawang kasinungalingan lamang ang pinagsasabi ni Duterte.

Nasa P6.326 trilyong budget ang nakalaan para sa taong 2025. (CY)