P97.89M na halaga ng shabu nakumpiska sa NAIA
Arestado ang dalawang South African nationals matapos mahulihan ng shabu sa kanilang bagahe sa Ninoy Aquino International Airport (NAIA) – Terminal 3.
Nakumpiska ng mga tauhan ng Bureau of Customs-Ninoy Aquino International Airport (BOC-NAIA) ang aabot sa 14,396 grams ng shabu na nagkakahalaga ng P97,892,800 mula sa dalawang dayuhan na galing ng Dubai.
Isinailalim sa inspeksyon gaya ng x-ray scanning, K9 assistance, at physical examination ang bagahe ng dalawa dahilan para madiskubre ang ilegal na droga na nakatago sa kanilanng bagahe.
Isinagawa ang operasyon sa pakikipagtulungan sa Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG).
Mahaharap ang dalawang dayuhan sa kasong paglabag sa Republic Act No. 9165 o Comprehensive Dangerous Drugs Act of 2002 at Republic Act No. 10863 o Customs Modernization and Tariff Act. (DDC)
