Mga tauhan ng Police Regional Office-Calabarzon isinailalim sa surprise drug test

Isinailalim sa surprise trug test ang mga tauhan ng Police Region Office-Calabarzon.

Bahagi ito ng mas pinalakas na internal cleansing efforts sa hanay ng PNP.

Ang aktibidad ay isinagawa pagkatapos ng Flag Raising Ceremony na idinaos sa Camp BGEN Vicente P. Lim sa Calamba City, Laguna.

Ayon kay PRO-Calabarzon Regional Dir. PBGEN Paul Kenneth Lucas, layon ng surprise drug test na mapanatili ang drug-free workplace at matiyak na lahat ng kanilang tauhan ay nakasusunod sa highest standards ng pagkakaroon ng integridad, disiplina at propesyunalismo.

Kung mayroong tauhan na mapatutunayang gumagamit ng ilegal na droga ay mahaharap sila sa kasong administratibo at kriminal. (DDC)