P9.8M na halaga ng smuggled na sigarilyo nakumpiska sa Davao City

Aabot sa P9.8 million na halaga ng suggled na sigarilyo ang nakumpiska sa isang checkpoint sa Toril, Davao City.

Naharang ng mga tauhan ng Task Force Davao Sirawan ang kahon-kahong mga sigarilyo lulan ng isang cosed van na may kabuuang halaga na
P9,861,790.00.

Hinarang ang closed van matapos makatanggap ng ulat ang mga otoridad na hindi ito lehitimo at hindi pag-aari ng courier company.

Sa ginawang routine inspection nabigo ang driver ng van na magpakita ng karampatang mga dokumento hinggil sa courier company.

Natuklasan ding laman ng van ang 251 na kahon ng MODERN (Red) cigarettes.

Hawak na ngayon ng Toril Police Station ang driver ng van habang ang mga nakumpiskang sigarilyo ay dinala sa Bureau of Customs para sa imbentaryo.

Inihahanda na ang kasong paglabag sa RA 10863 laban sa driver ng van. (DDC)