Bettor mula Valenzuela City at Jolo, Sulu wagi ng jackpot prize sa lotto

Dalawa ang maswerte at naging bagong milyonaryo matapos mapanalunan ang jackpot sa lotto.

Isang bettor ang nakakuha ng winning number combination na 9-38-23-12-32 at 29 sa 6/42.

Mahigit P19.4 million na jackpot prize ang napanalunan ng bettor na bumili ng tiket mula sa isang lotto outlet sa Valenzuela City.

Samantala, isang bettor din ang nakakuha ng winning number combination na 12-33-32-17-8 at 11 sa Mega Lotto.

Kabuuang P16.1 million naman na jackpot prize ang kaniyang napanalunan.

Ang winning ticket ay binili sa lotto outlet sa Jolo, Sulu. (DDC)