DFA tiniyak ang pakikipag-ugnayan sa Slovenian authorities para maiuwi ang mga labi ng Pinay na si Marvil Facturan

Tiniyak ng Department of Foreign Affairs (DFA) na nakikipag-ugnayan ito sa mga otoridad sa Slovenia para maiuwi ang mga labi ng ng Pinay na si Marvil Facturan.

Sa pahayag ng Department of Foreign Affairs (DFA), ginagawa ng Philippine Embassy sa Vienna ang lahat sa tulong ng iba pang ahensya para makipagtulungan sa Slovenian authorities.

Ito ay para mabilis na maiuwi sa bansa mga labi ni Facturan sa sandaling matapos na ang kinakailangang forensic process.

Mariin namang kinondena ng DFA ang insidente.

Nagpaabot din ang DFA ng pakikiramay sa naulilang pamilya ni Facturan. (DDC)