Brand ng pambatang food supplement binawi sa merkado dahil sa pagtataglay ng yeast

Inabisuhan ng Food and Drug Administration (FDA) na nagsasagawa ng voluntary recall ang kumpanyang Bayer Philippines Inc. para sa dalawang batch ng kanilang produkto na pambatang food supplement.

Sakop ng recall ang Berocca Kids Immuno Food Supplement 100 ml Bottle at Berocca Kids Immuno Smarty Food Supplement Fruit Berry Flavour 100 ml Bottle.

Ayon sa FDA, ito ay makaraang matuklasan na natataglay ng yeast ang mga produkto na maaaring makaaapekto sa iinom nito.

Ayon sa FDA, nakatanggap ng apat na reklamo ang Bayer Philippines, Inc. mula sa consumers dahil sa hindi magandang amoy mula sa produkto.

Sinabi ng FDA na ang tanging apektado ng recall ay ang produkto na may parehong batch number base sa inilabas na abiso.

Hindi naman apektado ang iba pang Berocca Kids Immuno products.

Ang mga consumer na maaaring nakabili ng mga produktong apektado ng recall ay maaaring magpadala ng e-mail sa productquality.philippines@bayer.com. (DDC)