“Monster Ship” ng China lumapit sa baybayin ng Zambales

Lumapit sa baybayin ng Pilipinas ang tinaguriang “Mosnter Ship” ng China na CCG 5901.

Ayon sa Philippines Coast Guard (PCG) noong Lunes, Jan. 13 namataan ang barko sa 67 nautical miles mula sa baybayin ng Zambales.

Nangyari ito matapos na bumalik sa Bataan ang patrol vessel ng Coast Guard na BRP Teresa Magbanua para sumailalim sa repair.

Sa kabila nito sinabi ng PCG na nananatili sa lugar ang PCG Islander na nagsagawa ng radio challenge sa barko ng China.

Ayon sa PCG, malinaw na ilegal ang presensya ng nasabing barko sa loob ng Philippine Exlusive Economic Zone (EEZ).

Sinabi ni PCG spokesperson Commodore Jay Tarriela, hindi magsasawa ang Coast Guard na paulit-ulit na magbigay ng radio challenge sa mga barko ng China, para maiwasan ang “normalization” ng kanilang ilegal na aktibidad sa teritoryo ng bansa. (DDC)