Pagpapalabas ng mga pelikulang kalahok sa MMFF pinalawig pa hanggang sa susunod na linggo

Pinalawig ang pagpapalabas sa mga sinehan ng mga pelikulang kalahok sa Metro Manila Film Festival (MMFF) hanggang sa January 14, 2025.

Ayon sa Metropolitan Manila Development Authority (MMDA), ito ay dahil sa mas marami ang patuloy na tumatangkilik sa mga kalahok na pelikula.

Base sa orihinal na schedule, matatapos dapat bukas, Jan. 7 ang festival.

Nagpasalamat naman si MMDA Chairman Atty. Don Artes sa pagtangkilik ng publiko sa 50th edition ng MMFF.

Kasama ding palalawigin ang bisa ng mga MMFF complimentary passes.

Umaasa naman si Artes na patuloy pang tataas ang kita ng mga palikulang kalahok sa MMFF. (DDC)