SC tatanggap na ng aplikasyon para sa 2025 Bar Exams simula Jan. 8
Simula Jan. 8, 2025 bubuksan na ng Korte Suprema ang pagtanggap ng aplikasyon para sa 2025 Bar Examinations.
Ayon sa abiso ng Office of the Bar Chairperson, ganap na alas 8:00 ng umaga ng Jan. 8 ay maaari nang ma-access online ang BARISTA sa pamamagitan ng Philippine Judicial Portal.
Tatagal ang application period hanggang sa March, 17, 2025.
Sundin lamang ang step-by-step process para sa aplikasyon kabilang ang pag-kumpleto ng profile, pag-fill out ng application form, pag-upload ng digital copies ng mga documentary requirements at pagbabayad ng P12,800 na application fee. (DDC)
