Mahigit kalahating milyong pasahero dadagsa sa mga pantalan sa pagtatapos ng holiday season
Inaasahan ang pagdagsa pa ng mahigit kalahating milyong pasahero sa mga pantalan sa pagtatapos ng Holiday season.
Ayon sa Philippine Ports Authority (PPA), mula Enero 3 hanggang 5, inaasahang aabot pa sa 674,000 ang mga pasaherong bibiyahe sa mga pantalan sa bansa.
Simula noong Dec. 15, 2024 hanggang Jan. 2, 2025, umabot na sa mahigit 3.6 million ang total passenger traffic na naitala ng PPA.
Ayon kay PPA General Manager Jay Santiago, nakahanda ang mga pantalan para sa dagsa ng mga magbabalik na pasahero.
Patuloy din na ipinatutupad ang mahigpit na seguridad para sa kaligtasan ng publiko.
Nananatili namang naka-heightened alert ang seguridad sa lahat ng mga pantalang pinangangasiwaan ng PPA sa buong bansa kung saan nasa humigit kumulang 3,000 security forces at force multiplier ang nagpapatrol sa mga pantalan. (DDC)
