Ilegal na droga na-recover sa pampasaherong bus sa EDSA Busway
May na-recover na ilegal na droga ang mga tauhan ng Special Action and Intelligence Committee for Transportation (SAICT) sa isang pampasaherong bus sa EDSA Busway.
Ayon sa SAICT, nakita ang ilegal na droga sa ilalim ng passenger seat ng Jasper Jean Bus na may plakang NAN 7115 habang nasa bahagi ito ng Guadalupe Station NB area.
Nasa loob ng kahon ng posporo ang droga.
Ayon sa SAICT, agad inireport ng driver at konduktor ng bus ang insidente sa mga otoridad.
Nagsasagawa na ng imbestigasyon upang matukoy kung sino ang nag-iwan ng droga sa nasabing bus. (DDC)
