Filipino domestic worker sa Kuwait nakulong matapos masangkot sa pagpatay sa isang batang Kuwaiti
Kinumpirma ng Philippine Embassy sa Kuwait na isang Filipino domestic worker ang nasangkot sa pagpatay sa isang Kuwaiti child sa bahay ng kaniyang pinagsisilbihang employer.
Nagpaabot ng pakikiramay ang embahada sa pamilya ng bata.
Tiniyak din ng embahada na nakikipag-ugnayan na ito sa mga otoridad sa Kuwait para maasistihan ang Filipino domestic worker.
Sinabi ng embahada na isa itong isolated incident at hindi sumasalamin sa Filipino community sa Kuwait. (DDC)
