P20K na SRI ng mga guro at non-teaching personnel sisimulang ipamahagi ng DepEd sa Dec. 20
Nakatakda nang ipamahagi ng Department of Education (DepEd) is ang P20,000 na Service Recognition Incentive (SRI) para sa mga teaching at non-teaching personnel.
Ayon sa DepEd, simula Dec. 20, 2024 ay may makatatanggap na ng kanilang SRI.
Kasunod ito ng utos ni Pangulong Ferdinand R. Marcos Jr., kina Education Secretary Sonny Angara at Department of Budget and Management (DBM) Secretary Amenah Pangandaman na magtulungan para agad maibigay ang P20,000 na SRI.
Ayon sa pahayag ng DepEd, sinimulan na ang pagproseso para sa disbursement ng SRI ngayong toan.
Nagpasalamat naman si Education Secretary Sonny Angara kina Pangulong marcos at kay Sec. Pangandaman sa pagtitiyak na matatanggap ng mga guro at non-teaching personnel ng buo ang naturang benepisyo. (DDC)
