Babae tiklo sa ilegal na droga sa Makati City

Sa kulungan ang bagsak ng isang babae matapos naaresto sa pagbebenta umano ng iligal na droga sa Makati City.

Ang naarestong suspek ay kinilalang si alyas Amie, 38-anyos, tinaguriang isang Street Level Individual sa drug watchlist ng pulisya.

Dakong 9:45 ng gabi ng Disyembre 11 nagsagawa ng buy-bust operation ang mga operatiba ng Station Drug Enforcement Unit ng Makati City Police sa Barangay Olympia na nagresulta ng pagkaaresto ng suspek.

Narekober kay alyas Amie ang tinatayang ₱68,000.00 na halaga ng hinihinalang shabu, buy-bust money, cellphone at weighing scale.

Kaagad na dinala ang mga nakumpiskang ebidensiya sa SPD Forensic Unit para sa chemical analysis.

Inihahanda na ng otoridad ang pagsasampa ng kasong paglabag sa Sections 5 & 11 Art II of RA 9165 laban sa suspek. (Bhelle Gamboa)