3 HVIs arestado, P1.3M shabu nakumpiska

Tatlong high-value individuals ang naaresto at nakumpiska ang P1,360,000.00 na halaga ng hinihinalang shabu sa buy-bust operation na ikinasa ng mga operatiba ng Southern Police District Drug Enforcement Unit sa koordinasyon ng PDEA-SDO, DID-SPD, DSOU-SPD, DMFB-SPD, at Muntinlupa City Police Sub-Station 6 Poblacion sa Barangay Poblacion sa lungsod.

Kinilala ang mga suspek na sina alyas Muks, 30-anyos; alyas Vernon, 44-anyos; at alyas Raymundo, 42-anyos.

Nakumpiska sa mga suspek ang 200 gramo ng umano’y droga, buy-bust money, android phone, at motorcycle.

Ang narekober na iligal na droga ay itinurn-over sa Southern Police District Forensic Unit para sa chemical analysis.

Nasa kustodiya ngayon ng Muntinlupa City Police Station ang tatlong suspek na mahaharap sa paglabag sa Sections 5, 11, at 26 ng RA 9165. (Bhelle Gamboa)