VP Sara Duterte pinasalamatan ang mga nagbibigay ng tulong, sporta at pakikiisa sa OVP

Pinasalamatan ni Vice President Sara Duterte ang mga nagbibigay ng tulong, suporta at pakikiisa sa Office of the Vice President (OVP) na aniya ay humaharap ngayon sa krisis at kagipitan.

Partikular na pinasalamatan ni VP Sara ang mga doktor at lahat ng healthcare personnel na sinisigurong maayos ang kalagayan ng mga kawani ng OVP na nangailangan ng tulong medikal.

Nagpasalamat din si VP Sara sa mga abogado na 24-oras na nagbantay sa posibleng mangyari sa mga empleyado na nangailangan ng tulong-legal.

Magins si Senador Ronald “Bato” Dela Rosa ay pinasalamatan ng bise presidente dahil sinamahan nito si Usec. Zuleika Lopez sa ospital buong araw noong November 23, 2024 sa Veterans Memorial Medical Center (VMMC).

Maging si Senador Bong Go na humalili kay VP Sara sa pagbabantay sa ospital.

Binanggit din ni VP Sara si Senador Imee Marcos na siyang nagtiyak na mayroong DILG order para payagan ang bise presidente at si Senator Dela Rosa na magbantay ng pasyente sa VMMC.

Sa huli ay nagpasalamat ang bise presidente sa media dahil sa patuloy aniyang pagsisiwalat sa kalagayan ng bansa. (DDC)