Pangalang “Mary Grace Piattos” wala sa rekord ng PSA

Walang rekord sa Philippine Statistics Authority (PSA) ang pangallang Mary Grace Piattos.

Base ito sa certification na inilabas ng PSA na nilagdaan ni Undersecretary Claire Dennis Mapa.

Ayon sa PSA, walang Mary Grace Piattos sa rekod ng kanilang mga Certificate of Live Birth, Certificate of Marriage at Certificate of Death.

Ang nasabing certification ay ipinadala ng PSA kay House Panel chairperson Rep. Joel Chua.

Sinabi ng PSA na kung kailangan pa ng komite, maaari pang magsagawa ng pagsusuri sa iba database ng PSA para sa dagdag na impormasyon.

Una ng naglabas ang Kamara ng P1 million na reward para sa makapagbibigay ng impormasyon tungkol kay “Mary Grace Piattos”.

Ang nasabing pangalan ay nakapirma sa mga acknowledgement receipts sa confidential funds ng Office of the Vice President. (DDC)