Habal driver nahulihan ng shabu at baril sa Taguig City

Isang habal-habal driver na tinaguriang High Value Individual (HVI) ang nadakip ng otoridad at nakumpiska ang 50.20 na gramo ng umano’y shabu at baril sa isinagawang buy bust operation sa Barangay Central Bicutan, Taguig City.

Ang suspek na si alyas Mike, 48-anyos, lokal na habal-habal driver ay naaresto ng mga operatiba ng Taguig City Police Station Drug Enforcement Unit.

Nakumpiska ng otoridad sa gitna ng operasyon ang hinihinalang shabu na nagkakahalaga ng ₱341,360.00, black widow 9mm revolver na may limang bala,buy bust money, at pouch.

Dinala ang mga narekober na ebidensiya sa Southern Police District Forensic Unit (SPDFU) para suriin.

Inihahanda na ng otoridad ang pagsasampa ng kasong paglabag sa RA 9165 at RA 10591 laban sa suspek. (Bhelle Gamboa)