Resulta ng 2024 Bar Exams ilalabas ng SC sa Dec. 13

Nakatakdang ilabas ng Korte Suprema ang resulta ng 2024 Bar Exams sa Dec. 13, 2024.

Ayon sa abiso ng Office of the Bar Chairperson ilalabas ang resulta ng Bar exams sa courtyard ng Supreme Court (SC) Main Building.

Ipakikita ang resulta sa LED walls sa loob ng SC courtyard at iu-upload din sa SC website at official social media pages (X/Twitter, Threads, Facebook, and Instagram).

Ibibigay din ng SC ang link para sa YouTube at Facebook livestream.

Sa mga magtutungo sa SC, magbubukas ang gate nito sa publiko mula alas 12:00 ng tanghali hanggang 6:00 ng gabi.

Sasailalim sa security inspection ang lahat ng papasok sa SC courtyard.

Ang mga papasok ay kailangangg nakasuot ng closed shoes. Bawal ang bottoms ripped, shorts, sleeveless, cropped o see-through na damit. (DDC)