Mahigit P1.08B na halaga ng barya nakulekta ng BSP sa coin deposit machines

Umabot na sa mahigit P1.08 billion ang halaga ng mga bartya na nakulekta ng Bangko Sentral ng Pilipinas mula sa coin deposit machines (CoDMs).

Ayon sa BSP, ang nasabing halaga ay mula sa mahigit 255,900 na transaksyon.

Sa ngayon mayroong 25 CoDMs sa Greater Manila Area.

Hinikayat ng BSP ang publiko na ang kanilang mga ipong barya ay ihulog sa CoDM para mai-convert bilang e-wallet credits o kaya ay bilang shopping voucher.

Ang mga baryang ihuhulog sa CoDMs ay pwedeng i-convert sa GCash, Maya, GoTyme o kaya ay bilang shopping voucher na maaaring gamitin para maipambili sa mga SM Stores nationwide. (DDC)