Batanes apektado na ng Northeast Monsoon; Shear Line at Easterlies iiral sa iba pang bahagi ng bansa

Maaliwalas na panahon ang aasahan ngayong araw sa malaking bahagi ng bansa.

Ayon sa PAGASA, apektado na ng Northeast Monsoon o Amihan ang lalawigan ng Batanes.

Ang nasabing lalawigan ay mamakararanas ng maulap na papawirin na mag pag-ulan ngayong araw.

Shear Line naman ang magdudulot ng maulap na papawirin na may kalat-kalat na pag-ulan at isolated thunderstorms sa Babuyan Islands.

Sa nalalabing bahagi ng Cagayan Valley, lalawigan ng Aurora, Quezon, Bicol Region, Eastern Visayas, Caraga, at Davao Region iiral naman ang Easterlies na maghahatid ng isolated na pag-ulan o thunderstorms.

Sa Metro Manila at sa nalalabing bahagi ng bansa, bahagyang maulap hanggang sa maulap na papawirin ang mararanasan na may isolated na pag-ulan o thunderstorms. (DDC)