Mahigit 50,00 Family Food Packs naipamahagi ng DSWD sa mga naapektuhan ng Bagyong Marce
Umabot na sa mahigit 50,000 na Family Food Packs (FFPs) ang naipamahagi ng Department of Social Welfare and Development (DSWD) sa mga pamilyang naapektuhan ng Bagyong Marce.
Ayon sa datos ng DSWD, umabot na sa 50,121 na kahon ng food packs ang naipamahagi sa mga apektado ng bagyo.
Ang mga food packs ay naipamahagi sa mga pamilyang nasalanta mula sa mga rehiyon ng Cagayan Valley, Ilocos, at Cordillera Administrative Region (CAR).
Tiniyak ng DSWD na sa kabila ng sunod-sunod na paghagupit ng mga bagyo, patuloy ang pagbibigay ng serbisyo ng ahensya para sa mga nangangailangang kababayan. (DDC)
