Karl Eldrew Yulo nag-uwi ng tatlong gintong medalya sa JRC Artistic Gymnastics Stars Championships sa Thailand

Tatlong gold medals at 1 silver medal ang naiuwi ni Karl Eldrew Yulo sa katatapos na 3rd JRC Artistic Gymnastics Stars Championships na ginanap sa Bangkok, Thailand.

Ayon sa Gymnastics Association of the Philippines (GAP) nakuha ni Karl Eldrew ang gintong medalya para sa floor exercise, still rings, at vault events.

Habang silver medal naman sa parallel bars.

Samantala, nagwagi naman ng gold medal si King Cjay Pernia para sa vault.

Ayon sa GAP sa pagtatapos ng 3rd JRC Championships 2024, nakapag-uwi ang bansa ng 34 medals kabilang ang 21 golds, 9 silvers at 4 bronzes. (DDC)