Pag-iral ng number coding suspendido ngayong araw (Oct. 31) at bukas (Nov. 1)

Suspendido ang pag-iral ng number coding ngayong araw (Oct. 31) hanggang bukas (Nov. 1) ayon sa Metropolitan Manila Development Authority (MMDA).

Ayon sa MMDA, inaasahan kasi ang pagdagsa ng mga bibiyahe para sa Undas at paggunita ng All Saints’ Day.

Samantala sa Makati City, suspendido na din ang pag-iral ng number coding mula alas 12:00 ng tanghali ngayong araw (Oct. 31).

Paalala ng MMDA sa mga motorista, planuhin ng maaga ang pagbiyahe.

Para sa anumang emergency, maaaring tumawag sa MMDA Hotline 136. (DDC)