2 babae arestado sa buy-bust operation sa Montalban

TITLE: 2 babae arestado sa buy-bust operation sa Montalban

Dalawang babaeng suspek ang naaresto sa ikinasang buy-bust operation ngmga tauhan ng Drug Enforcement Team ng Rodriguez Municipal Police Station, Huwebes (Oct. 17) ng madaling araw.

Ayon sa ulat ng Rizal Provincial Police Office, inaresto ang dalawang suspek na sina alyas “ICAB”, 28-taong gulang at alyas “EKANG”, 22-taong gulang na pawang naninirahan sa Rodriguez, Rizal.

Naging matagumpay ang isinagawang operasyon matapos magbenta ng isang sachet ng plastic na naglalaman ng hinihinalang shabu sa isang police operative si alyas “ICAB” na nag resulta sa kanilang pagkakadakip.

Samantala, narekober naman mula sa pag-iingat ng mga suspek ang walong pakete ng hinihinalang shabu na may timbang na humigit kumulang 28 gramo at may tinatayang Standard Drug Price na P190,400.

Mahaharap sa reklamong paglabag sa RA 9165 o Comprehensive Dangerous Drugs Act of 2002 ang mga suspek na kasalukuyang nakapiit sa Rodriguez Municipal Police Station. (DDC)