P4M na multa ipinataw sa apat na pampasaherong bus sa Pasay
Pinatawan ng Special Action and Intelligence Committee for Transportation (SAICT) mg P4 million na multa ang apat na out-of-line buses na nahuli sa Pasay City.
Naka-impound ngayon ang apat na pampasaherong bus sa impounding area ng Land Transportation Office (LTO) sa Quezon City.
Ayon kay Rayson Dela Torre, OIC ng Special Operations Group (SOG), ang operasyon ng out-of-line buses ay delikado para sa kaligtasan ng mga pasahero nito.
Nagpatupad ng mas mahigpit na operasyon ang SAICT kasunod ng mga naitalang aksidente sangkot ang mga colorum at illegal vehicles. (DDC)
