Las Piñas BFP may bagong ambulansya mula sa LGU

Pormal na itinurn-over ng Pamahalaang Lungsod ng Las Piñas sa pangunguna ni Vice Mayor April Aguilar ang bagong ambulansiya para sa City Bureau of Fire Protection (BFP).

Malugod na tinanggap ni Las Piñas Bureau of Fire Protection (BFP),bFire Superintendent Josephus F. Alburo ang bagong ambulance unit mula sa lokal na pamahalaan.

Ang karagdagang bagong ambulansiya ay bahagi sa kasalukuyang mga hakbang ng lungsod upang mapagbuti ang kanyang emergency response capabilities at mapahusay ang mga serbisyong pangkaligtasan ng mga residente.

Binigyang-diin ni Vice Mayor Aguilar kasama ang mga opisyal ng lokal na pamahalaan, ang kahalagahan ng pagkakaroon ng mga lokal na ahensiya Ng gobyerno ng mga kinakailangang kagamitan upang tugunan ng epektibo ang mga emergencies.

Nagpasalamat naman ang BFP sa Las Piñas LGU sa patuloy na suporta lalo na’t ang bagong yunit ay makakatulong sa uling kanila na mapalakas pa lalo ang kanilang operasyon na magligtas ng buhay sa oras ng pangangailangan. (Bhelle Gamboa)