100 pang PDLs ng Bilibid inilipat sa Occidental Mindoro

Ligtas nang nailipat sa Sablayan Prison and Penal Farm sa Occidental Mindoro ang 100 pang persons deprived of liberty (PDLs) mula sa New Bilibid Prison (NBP) sa Muntinlupa City.

Inihayag ni Bureau of Corrections Director General Gregorio Pio P. Catapang Jr. na ang 100 PDLs ay iniskortan ng 30 corrections officers at inasistehan pa mula sa mga tauhan ng BuCor SWAT, Philippine National Police at South Luzon Expressway Patrol.

Sa naturang bilang, 20 rito ay mula sa Reception and Diagnostic Center at 80 naman buhat sa Medium Security Camp.

Ito ay bahagi pa rin sa hakbang ng BuCor upang paluwagin ang Bilibid at isaalang-alang ang kapakanan ng mga PDLs.(Bhelle Gamboa)