Bagong album ng K-pop group na Seventeen bumenta ng 2.49 million copies sa unang araw ng release

Agad nakabenta ng 2.49 million copies ang bagong album ng K-pop group na Seventeen na may titulong “Spill the Feels”.

Sa unang araw ng release ng ika-labingdalawang mini album ng grupo noong Lunes, Oct. 14 ay umabot agad sa 2,494,180 million copies ang nabenta ayon sa datos ng Hanteo Chart sa Korea.

Kasama sa album ang single na “Love, Money, Fame” kung saan kasama si DJ Khaled.

Bago ang pormal na release ng album ay umabot na sa 3.4 million ang pre-orders nito.

Mayroong anim na track sa album.

Ngayong buwan ay mayroong nakatakdang serye ng concert ang ang Seventeen sa US bilang bahagi ng kanilang “Right Here” world tour. (DDC)