Kura Paroko ng simbahan na nag-imbita kay Julie Anne San Jose humingi ng paumanhin
Humingi na din ng paumanhin ang Kura Paroko ng simbahan na nag-imbita kay Julie Anne San Jose para sa isang Secular Concert.
Sa pahayag ni Fr. Carlito Dimaano, humingi ito ng tawad sa mga nasaktan na mananampalataya.
Humingi din ng tawad si Dimaan kina Julie Anne San Jose at Jessica Villarubin na ngayon ay tumatanggap ng samu’t saring batikos at hindi kaaya-ayang komento.
Ayon kay Dimaano, inaamin niya na may pagkakamali sa kanilang naging desisyon at nagsilbing aral sa kaniya ang nangyari.
Inako din ni Dimaano ang buong responsibilidad sa pangyayari.
Una ng inatasan ni Bishop Pablito Tagura si Dimaano na maglabas ng public apology sa nangyari. (DDC)
