Sanggol isinilid sa eco bag, iniwan sa kulungan ng manok sa Agoncillo, Batangas

SANGGOL ISINILID SA ECO BAG, INIWAN SA KULUNGAN NG MANOK SA AGONCILLO, BATANGAS

Isang sanggol ang inabandona sa Brgy. Subic Ibaba bayan ng Agoncillo sa lalawigan ng Batangas.

Nakita ng mga residente ang sanggol umaga ngayong Miyerkules (Oct. 9) na nakasilid sa isang orange eco bag na nakapatong sa isang sako ng patuka ng manok.

Kuwento ng nakakitang residente, kukuhanin niya ang ibinebentang manok ng mapansin niya na may kakaiba sa hagdan ng kanilang tangkal at nang silipin niya ito ay isang sanggol na lalaki.

Agarang nagtungo ang mga kinatawan ng barangay, PNP, mga kawani ng Municipal Health Office at mga kawani ng MSWDO sa lugar.

Sa ngayon ay nasa pangangalaga ng Municipal Social Welfare and Development Office ang sanggol.

Samantala ay nagtutulong tulong ang Lokal na Pamahalaan, PNP, Volunteers at mga Barangay Officials ng Subic Ibaba upang mahanap ang ina ng sanggol. (DDC)