500 pamilya nawalan ng tirahan sa sunog na naganap sa Bacoor City
Aabot sa 500 pamilya ang nawalan ng tirahan sa sunog na naganap sa Bacoor City, Martes (Apr. 14) ng hapon.
Ayon kay Bacoor City Mayor Lani Mercado-Revilla, 100 bahay ang natupok ng apoy sa Sitio Tibag, Barangay Panapaan III.
Nagsimula ang sunog ala 1:25 ng hapon na umabot ng 3rd alarm bago naideklarang fire out alas 3:57 ng hapon.
Nagtulung-tulong ang 3 fire trucks mula sa BFP, 15 fire trucks mula sa mga karatig lungsod at munisipalidad, at 39 volunteer fire trucks upang maapula ang sunog.
Tatlo naman ang nagtamo ng minor injuries na agad natulungan ng mga emergency medical services team.
Ang mga nasunugan ay dinala sa Gov. PF Espiritu Elementary School.
