Mahigit P300K halaga ng hinihinalang illegal na droga nakumpiska ng Rizal PNP sa bayan ng San Mateo
Arestado ang isang babae suspek sa ikinasang drug buy-bust operation ng mga tauhan ng San Mateo Municipal Drug Enforcement Team sa Brgy. Dulong Bayan 2 San Mateo, Rizal.
Ayon sa mga otoridad, nadakip si Alyas Mimi, 32-anyos sa buy-bust operation na isinagawa ng kapulisan ng San Mateo sa pakikipagtulungan sa PDEA 4A.
Patuloy namang pinaghahanap ang live-in partner ni ‘Mimi’ na si alyas Kester na itinuturing na High Value Individual.
Nakuha mula sa suspek ang anim na pakete ng hinihinalang shabu na may Standard Drug Price na P320,552.
Nakakulong ang naarestong suspek sa San Mateo Custodial Facility na nahaharap sa reklamong paglabag sa R.A 9165 o Comprehensive Dangerous Drugs Act of 2002. (DDC)
