MRT, LRT may Libreng Sakay sa mga kawani ng gobyerno sa paggunita ng Philippine Civil Service Anniversary
May handog na Libreng Sakay ang MRT-3 at LRT para sa mga kawani ng gobyerno bilang pakikiisa sa pagdiriwang ng anibersaryo ng Philippine Civil Service.
Sa abiso ng MRT-3, libreng makasasakay ang mga kawani ng gobyerno sa buong oras ng operasyon ng MRT-3 mula Sept. 18 hanggang 20.
Kinakailangan lamang na magpakita ng employee ID sa station personnel upang mapatunayan na sila ay kawani ng gobyerno.
Ayon naman sa abiso ng Light Rail Transit Authority (LRTA), libre ang sakay ng mga kawani ng gobyerno sa LRT-2 mula Sept. 18 hanggang 20 tuwing 7:00 ng umaga hanggang 9:00 ng umaga at 5:00 ng hapon hanggang 7:00 ng gabi. (DDC)
