Sunog sumiklab sa PGH sa Maynila
Tinupok ng apoy ang Philippine General Hospital (PGH) sa Maynila.
Alas 6:07 ng umaga ng itaas sa unang alarma ang sunog na umabot sa 2nd alarm.
Ayon sa Bureau of Fire Protection (BFP), naapektuhan ng sunog ang audio visual room ng ospital.
Apektado din ang bahagi ng out patient department (OPD).
Dahil sa sunog, inilikas ang mga pasyente at inilabas sa gusali.
Idineklarang fire out ang sunog 7:08 ng umaga ayon sa Manila Disaster Risk Reduction and Management Office.
Agad ding naibalik sa loob ng ospital ang mga pasyente. (DDC)
