Lalaki arestado sa P360K na halaga ng shabu sa Pasay City
Kalaboso ang isang 35-anyos na lalaki matapos umanong bentahan ng droga ang isang police poseur buyer at narekober ang ₱360,400 na halaga ng hinihinalang shabu sa Barangay 38, Zone 5, Pasay City.
Ang suspek na si alyas Kukoy ay naaresto ng mga tauhan ng Pasay City Police Station Drug Enforcement Unit.
Nakuha umano sa suspek ang 53 gramo ng umano’y shabu, buy-bust money, plastic bag at motorsiklo.
Susuriin ng Southern Police District Forensic Unit ang mga nakumpiskang ebidensiya.
Sasailalim sa inquest proceedings sa Pasay City Prosecutor’s Office ang suspek para sa kasong paglabag sa Comprehensive Dangerous Drugs Act of 2002. (Bhelle Gamboa)
