Babae huli sa drug buy-bust operation sa Taguig
Arestado ang isang 50-anyos na babae at nakumpiska ang ₱108,732 na halaga ng hinihinalang shabu sa ikinasang buy-bust operation ng mga tauhan ng Taguig City Police Station Drug Enforcement Unit sa lungsod.
Kinilala ang naarestong suspek na si alyas Thes.
Ayon sa report, nakumpiska sa suspek ang tinatayang 15.99 gramo ng umano’y shabu, buy-bust money, coin purse at maliit na timbangan.
Dinala sa Southern Police District Forensic Unit ang mga narekober na ebidensiya para isailalim sa laboratory examination.
Sinabi ni SPD District Director BGen Leon Victor Rosete na inihahanda na ang pagsasampa laban sa suspek ng kasong paglabag sa Sections 5 and 11, Article II of Republic Act 9165 (Comprehensive Dangerous Drugs Act of 2002) sa Taguig City Prosecutor’s Office. (Bhelle Gamboa)
