BALIK KAbayan Bazaar inilunsad ng DMW
Inilunsad ngayong araw ng Department of Migrant Workers (DMW) ang kanyang BALIK KAbayan Bazaar, isang livelihood fair na nagtatampok ng mga produkto at mga negosyo sa muling pagsasama- sama ng overseas Filipino worker (OFW) -entrepreneurs.
Pinangunahan ni Migrant Workers Secretary Hans Leo J. Cacdac at senior DMW officials kasama sina PNB President Florido Casuela at BDO Remittance SAVP & Head, Overseas Filipino Programs Unit Rene Abadilla, ang pagbubukas ng bazaar kung saan permanente na itong nakakabit sa Front Parking Area ng DMW Head Office sa Mandaluyong City.
Ang pagsasagawa ng livelihood fair ay sa kolaborasyon ng PNB at BDO, ang financial institution partners ng DMW upang tulungan ang mga OFWs na maabot ang kanilang kalayaang pinansyal. (Bhelle Gamboa)
