NBI inaalam na ang tungkol sa ginamit na yate ni Alice Guo nang umalis sa bansa

Nagsasagawa na ng imbestigasyon ang National Bureau of Investigation (NBI) hinggil sa yate na ginamit umano nina ALice Guo nang sila ay tumakas palabas ng bansa.

Ayon kay NBI Director Jaime Santiago, nakikipag-ugnayan na sila sa mga local yacth clubs.

Bumuo na rin ang NBI ng Task Force Alice Guo para ma-monitor ang lahat ng developments kaugnay sa dating alkalde.

Una nang kinumpirma ni Guo sa pagdinig sa senado na bangka ang kanilang ginamit sa pag-alis sa bansa.

Nabanggit din niya ang pagsakay nila ng yate mula sa pantalan sa Metro Manila. (DDC)