BI Commissioner Norman Tansingco sinibak sa pwesto ni Pang. Marcos
Sinibak ni Pangulong Ferdinand “Bongbong” Marcos Jr. si Immigration chief Norman Tansingco.
Ito ay matapos matakasan si Tansingco ni dismissed Bamban, Tarlac Mayor Alice Guo at makalabas ng bansa.
Ayon kay Presidential Communications Office Secretary Cesar Chavez, tanggal na sa puwesto si Tansingco.
Una nang sinabi ni Pangulong Marcos na gugulong ang ulo ng mga opisyal ng gobyerno na may kinalaman sa pagtakas ni Guo.
Sangkot si Guo sa illegal na operasyon ng Philippine Offshore Gaming Operators (POGO).
Nahaharap si Guo sa kasong human trafficking at paglabag sa Anti-Graft and Corrupt Practices Act. (CY)
