Pastor Quiboloy napilitang lumantad ayon kay Pangulong Marcos

Para kay Pangulong Ferdinand Marcos Jr. hindi boluntaryong sumuko si Kingdom of Jesus Christ (KOJC) founder Pastor Apollo Quiboloy sa halip ay na-pwersa itong lumantad dahil alam niyang malapit na siyang masukol ng mga otoridad.

Sa ambush interview, sinabi ni Pangulong Marcos na napilitang lumabas si Quiboloy dahil alam niyang malapit na ang mga pulis sa kaniya.

Mismong si Quiboloy din aniya ang nagsabi na magpapakamatay para sa kaniya ang kaniyang mga tagasunod at ayaw niyang mangyari iyon.

Kaugnay nito ay pinuri ni Marcos ang mga otoridad sa tagumpay ng kanilang operasyon dahilan para lumantad na si Quiboloy.

Muli ding iginiit ni Marcos na hindi naging marahas ang proseso ng operasyon sa pag-hunting kay Quiboloy.

Tiniyak ng pangulo na hindi bibigyan ng special treatment si Quiboloy. (DDC)