Passport ni Alice Guo walang Philippine immigration stamps – BI
Nakumpirma ng Bureau of Immigration (BI) na walang Philippine immigration stamps ang passport ni dismissed Bamban, Tarlac Mayor Alice Guo.
Ayon kay BI Commissioner Norman Tansingco, ito ay base sa pag-rebisa nila sa pasaporte ni Guo.
Ang passport ni Guo ay inisyu noong September 4, 2020 sa Angeles at valid hanggang 2030.
Nakasaad dito na siya ay ipinanganak sa Tarlac, Tarlac.
Ayon kay Tansingco, walang Philippine stamps sa passport ni Alice Guo at ng sinasabing kapatid nito na si Shiela.
Ibig sabihin ayon sa BI, ilegal na umalis ng bansa si Guo at hindi dumaan sa Immigration authorities. (DDC)
